كلمات اغنية ثورة شعبية لEgy Rap School

مصر مصر مصر مصر

حرية

بشرية

شعبية

بيان لكل الأمة من مواطن مش مسئول

زمن الكرامه إبتدى على صوتك يالا وقول

شعب فيه أشجع ناس وأطيب ناس وأقوى عقول

عمروا ما وطى راسوا فى تاريخ وكل العصوووور

كتب تاريخه بدمه و إتظلم من ناس فى بلده

لو جت من حد غريب مكنش حزن مكنش همه

لكن صبر فى جوعه وفقره وبرضوا ضحى بعمره

قولى مين فى الآخر رغم كل ده حب بلدو

حقوق كتيره ضاعت فى سنين طويله عدت بيه

كتم ألمه جواه كان كل همه يعيش مسالم فيه

طلب حاجات بسيطه :-> سكن ، أكل ، شرب ، مأوى

ولما ما أخدش حاجه قال خلاص أنا عاوز الرحمه

إدفن جوه أرضه حى ويموت لو قال لأ

أدينا قولنا خلاص صوتنا واحد و إيدينا واحده

إفرح يا شعب حقوقك جايه إحنا كسرنا الألم

وهناخد حق كل واحد حس إنوا إتظلم

وكل بيت فيكى يا بلدى هيرفع العلم

و إكتب يالا يا تاريخ عن أبطال هذا الزمن

كل اللى طالبه يالا نبنى ونحافظ عليها

و نقف قدام أى حد عايز يخرب فيها

بعد 25 يناير (حريه)

أكبر ثورة حصلت فى تاريخ (بشريه)

علمنا العالم معنى الثورة (شعبيه)

وكل شهيد حفر إسمه فى تاريخ الأمة المصرية

بعد 25 يناير (حرية)

أكبر ثورة حصلت فى تاريخ (بشرية)

علمنا العالم معنى الثورة (شعبية)

عاشت

مصر .. مصر .. مصر .. مصر ..

لحظه من فضلك هى مصر يعنى إيه

أرجوك فكر بلاش على طول ترد

علشان ردك هيكون من أجمل 85 مليون رد

هيا بلد ولا أرض عشنا فيها بنحبها حب ملوش حد

ولا جامع جنب كنيسه وناس عايشه مع بعض

تسامح وود تعالى نتكلم جد

مصر فوق الجميع مين الجميع ؟

شعوب العالم جميع تدخل أجنبى وضيع

نبنى قدامه سد منيع عمرى ما أسيب بلدى تضيع

قدرنا نثبت للعالم إن مهما إختلفت آرائنا إحنا واحد

شعب متحد عايز بلدوا جميله وبس

أيوه هنتغير هو ده الوقت اللى نحط فيه على راس أم الدنيا

تاج الفخر و العز ونقدر ننجز

هنراجع نفسنا ونبذل جهد

وبإذن الله نوصل لبر الأمان جيش وشعب إيد واحده

و مصر

قدام عنينا هنصونها ونرجعلها حقها وساعتها بلدنا تنضف ويبقى حصاد النصر

بعد 25 يناير (حرية)

أكبر ثورة حصلت فى تاريخ (بشرية)

علمنا العالم معنى الثورة (شعبية)

وكل شهيد حفر إسمه فى تاريخ الأمة المصرية

بعد 25 يناير (حرية)

أكبر ثورة حصلت فى تاريخ (بشرية)

علمنا العالم معنى الثورة (شعبية)

عاشت

مصر .. مصر .. مصر .. مصر ..

إسمنا بدمنا ، على كفنا ، من هنا بدئنا

الظلم سبقنا ، فى البحر غرقنا ، زمنا قلقنا

دلوقتى فوقنا ، بقوه ثورنا ، قوة شبابنا بداية أحلامنا

جتلنا الفرصه والتغيير قدامنا

شعب بيكتب تاريخه بإيده بيكتب الحكايه

أمه مصريه مسلمه مسيحيه جايه تقول كفايه

حكاية شعب رافع راسو شعبنا العظيم أساسو

شعب مصر الطيبه ناس الثورة شيئ من تراثه

إفتح الصفحه البيضه

إنفخ الغيمه السوده

نبدأ نتعلم من الأول كأننا أطفال فى الروضه

بإدين شبابك السمر

نزرع فى وسط الضلمه بدر

قاموسنا مفهوش كلمه غدر

حققنا حريتنا والمفتاح كان الصبر

وشهيد فى القبر

شال عن بلدوا رصاصه ومستقبلها فى الصدر

أيوه هتفضل مصر

وكل خطوه بنصر

عظم الأمة شباب فى الأزمة عدونا و حطوا الجذر

بعد 25 يناير (حرية)

أكبر ثورة حصلت فى تاريخ (بشرية)

علمنا العالم معنى الثورة (شعبية)

وكل شهيد حفر إسمه فى تاريخ الأمة المصريه

بعد 25 يناير (حرية)

أكبر ثورة حصلت فى تاريخ (بشرية)

علمنا العالم معنى الثورة (شعبية)

عاشت

مصر .. مصر .. مصر .. مصر ..